ՎԱՐԿԱՅԻՆ ՀԱՅՏԻմիջնորդագիր

ԱՊԱՀՈՎԱԳՐԱԿԱՆհայտ


ՎՏԲ բանկը զարգացնում է մանրածախ բիզնեսը

22.05.2014

ՎՏԲ-Հայաստան Բանկը այս տարի կշարունակի ակտիվորեն զարգացնել իր մանրածախ պրոդուկտների շարքը, բարելավել հաճախորդների սպասարկման հեռահար ուղիները, ընդլայնել վճարային տերմինալների եւ բանկոմատների ցանցը:

2014 թվականին, ինչպես և նախկինում, առանձնահատուկ ուշադրություն է դարձվում ֆիզիկական անձանց վարկավորմանը, մասնավորապես, ապառիկ վարկավորման ակտիվ զարգացմանը: Ըստ Բանկի կանխատեսումների` ապառիկ վարկավորման ոլորտում կշարունակվի շուկայի ակտիվ աճը, իսկ Բանկի նպատակն է ապահովել այդ աճը և ամրապնդել նախորդ տարիների առաջընթացը:

Ինչպես և նախկինում, 2014 թվականին մանրածախ բիզնեսի զարգացման հիմնական առաջնայնությունն է մնալ առաջատար դիրքերում հաճախորդների համար տեխնոլոգիական լուծումների հարցում, քանի որ բանկային ծառայությունների պարզությունը, հարմարավետությունն ու ազատ օգտագործումը ցանկացած հարմար ժամանակ այն գործոններն են, որոնք անհրաժեշտ են ժամանակակից մարդուն:

ՎՏԲ-Հայաստան Բանկը տրամադրում է իր հաճախորդներին-ֆիզիկական անձանց բանկային պրոդուկտների և ծառայությունների այնպիսի լայն և ունիվերսալ տեսականի, ինչպիսիք են բանկային հաշիվների սպասարկումը, ավանդները, վարկային/դեբետային քարտերը, հատուկ առաջարկներով քարտերը, հատուկ փաթեթները՝ նախատեսված ինչպես պրեմիում դասի, այնպես էլ այլ հաճախորդների համար, դրամական փոխանցումները, հաշվա-դրամարկղային սպասարկումը, հեռահար բանկային ծառայությունների սպասարկման ծառայությունների շարքը, սպառողական վարկերը, լոմբարդային վարկերը և այլն:

ՎՏԲ-Հայաստան Բանկը 2013-ին գրանցել է մեծ հաջողություններ մանրածախ բիզնեսի զարգացման գործում: 2013-ի արդյունքները ցույց տվեցին, որ բանկի մանրածախ բիզնեսին հաջողվեց ոչ միայն կատարել դրված խնդիրները, այլ նաև շատ առումներով գերազանցել նախատեսված ցուցանիշները: Դրա վառ ապացույցն է 2013-ի մանրածախ բիզնեսի գործունեության արդյունքում գրանցված գործառնական շահույթի ռեկորդային ցուցանիշը: 2013թ. արդյունքներով` տոկոսային եկամուտը կազմել է 11.521 մլն դրամ, ոչ տոկոսայինը՝ 1 390 մլն դրամ:

2013 թվականին բանկն ընդլայնել է պրոդուկտների և ծառայությունների շարքը. մշակվել և ներդրվել են նոր տեսակի վճարային քարտեր, վարկային պրոդուկտներ, զարգացվել են սպասարկման հեռահար ուղիները, ընդլայնվել է պրոդուկտային շարքը դրամական փոխանցումներ ստացող հաճախորդների համար:

2013 թվականի ավարտին Բանկը զբաղեցրել է 1-ին տեղը ֆիզիկական անձանցից ներգրաված ավանդների առումով, 2-րդ տեղը՝ մանրածախ վարկային պորտֆելի ծավալով: ՎՏԲ-Հայաստան Բանկին բաժին է ընկել ՀՀ բանկային հատվածի կողմից բնակչությանը տրված վարկերի 14.8%:

Ընդհանուր առմամբ, ֆիզիկական անձանց վարկային պորտֆելի ծավալը 2013 թվականին 2012 թվականի համեմատ աճել է 35.5%-ով կամ 23 087 մլն ՀՀ դրամով` կազմելով 88 135 մլն դրամ:

«Լետո Բանկի» (ՎՏԲ խումբ) նախագահ-վարչության նախագահ Դմիտրի Ռուդենկո. «Ապառիկ վարկավորման շուկան շարունակում է զարգանալ, և Հայաստանը բացառություն չէ: 2013 թ. արդյունքներով ՎՏԲ-Հայաստան Բանկը զբաղեցնում է առաջատար դիրքեր այս շուկայում՝ ըստ առևտրային կետերի քանակի ու վարկային պորտֆելի, և բանկը նախատեսում է ներդնել բոլոր ջանքերը այս պրոդուկտի հետագա զարգացման համար: Ապառիկ վարկավորման պայմանները վարկառուների համար դառնում են ավելի լիբերալ, իսկ ապառիկ վարկերը գրավում են ստացման գործընթացի պարզությամբ: Կցանկանայի նշել նաև Հայաստանում համեմատաբար նոր` փրայմ-հատվածի հաճախորդների սպասարկման ուղղությունը: Երկու տարի առաջ Հայաստանում բացվեց Private Banking գրասենյակը, և ՎՏԲ-Հայաստան Բանկը այս ոլորտում հասել է բարձր ցուցանիշների: Ծառայությունը բավականին մեծ պահանջարկ ունի և հաջողությամբ զարգանում է՝ հնարավորություն ընձեռնելով Բանկի VIP-հաճախորդներին ստանալու անհատական ​​սպասարկում, այդ թվում նաև ՎՏԲ խմբի բանկերի Private Banking գրասենյակներում»:

ՎՏԲ24 Բանկի փոխնախագահ, Միջազգային բիզնեսի վարչության պետ, ՎՏԲ-Հայաստան Բանկի Խորհրդի անդամ Վսեվոլոդ Սմակով. «Ձեռքբերված փորձը և ծրագրված ռազմավարությանը հետևելը թույլ է տալիս ՎՏԲ-Հայաստան Բանկին հասնել դրված նպատակներին, ինչպես նաև զարգացնել և ամրապնդել իր առաջատար դիրքերը Հայաստանի բանկային շուկայում: Վերջին տարիների ընթացքում ՎՏԲ-Հայաստան Բանկը գրանցել է զգալի առաջընթաց մանրածախ բիզնեսի զարգացման գործում: ՎՏԲ24 Բանկը, որը վերահսկում է ՎՏԲ խմբի դուստր բանկերի մանրածախ բիզնեսի զարգացումը, բարձր է գնահատում բանկի՝ Հայաստանում մանրածախ բիզնեսի ոլորտում ձեռք բերված արդյունքները, որոնք նպաստում են նրա հետագա աճին ու զարգացմանը, ներդրողների և հաճախորդների վստահության պահպանմանը, ինչը մեզ համար շատ թանկ է»:

ՎՏԲ-Հայաստան Բանկի Գլխավոր տնօրեն-Տնօրինության նախագահ Յուրի Գուսև. «Բանկի գործունեությունը մանրածախ բիզնեսում ուղղված է ոչ միայն ավանդային ու վարկային պորտֆելների աճին և մանրածախ ծառայությունների իրացման արդյունավետության բարձրացմանը, այլև առաջին հերթին մանրածախ պրոդուկտային շարքի կատարելագործմանը, մասնավորապես, վաճառքի այլընտրանքային ուղիների զարգացմանը, որոնք թույլ են տալիս պարզեցնել ձևակերպման կարգը և կրճատել հաճախորդների սպասարկման ժամանակը: Փոքր բիզնեսի վարկավորման զարգացումը բանկի 2014 թ. գերակա ուղղություն է, որի զարգացման ճանապարհներից մեկը որոշ բիզնես-գործընթացների ավտոմատացումն է, ինչը կկրճատի վարկերի հաստատման և տրամադրման ժամանակը, կարդիականացվի վարկավորման ամբողջ գործընթացը, կպարզեցվի վարկի հաստատման սխեման ստանդարտ սեգմենտի համար»:




ebank.am-լրատվական









Այս բաժնի այլ նորություններ

BLOGբիզնես բլոգ

CAPITAL MARKETֆինանսական շուկա

  • ՎԱՐԿԱՅԻՆ
    ՀԱՇՎԻՉ

    Վարկի գումար:
    Ամիսների քանակը:
    Տարեկան տոկոսադրույք:
    (օր. 8.5% = 8.5)
       
    x
  • ՓԱՍՏԱՑԻ ՏՈԿՈՍԻ
    ՀԱՇՎԻՉ

































    x
  • ԱՊՊԱ
    ՀԱՇՎԻՉ

  • ՎԱՐԿԱՅԻՆ ՍԱՀՄԱՆԱՉԱՓ



















    x